Qelbësirat e “kopshtit zoologjik” në Fier

Luani i kopshtit zoologjik “Safari Park”, vetëm dy muaj pasi u largua nga Shqipëria për në Holandë nuk ka mundur të mbijetojë për shkak të keqtrajtimit që pësoi në kopshtin zoologjik të Fierit.

Ky është një skandal i vërtetë i kopshtit zoologjik të Fierit, i cili e degradoi gjendjen e luanit deri në atë pikë sa ngordhi edhe pas trajtimeve që mori nga shteti holandez.

Në muajin maj luanët u dërguan për t’u shpëtuar në qendrën Felida, por luani Zhak nuk ia doli dot.

Sipas tyre, për këtë luan ishte tepër vonë, pasi veshkat e tij ishin shumë të dëmtuara. Ndërkaq, qendra Felida shpreh ngushëllimet e saj.

Ky luan miqësor dhe mbresëlënës, i cili jetonte në një ferr në Tokë për vite në një kopsht zoologjik privat në Shqipëri, nuk është më me ne. Zemrat tona janë thyer dhe na vjen keq që duhet ta ndajmë lajmin e trishtuar me ju. Por ishte shumë vonë për Zhakun. Veshkat e tij ishin shumë të dëmtuara. Mjekët tanë veterinarë gjetën se Zhaku kishte pësuar një mosfunksionim të veshkave vitin e kaluar. Gjendja e tij u konfirmua muajin e kaluar gjatë një kontrolli  mjekësor. Pavarësisht nga ky lajm, ne shpresonim për t’i mundësuar Zhakut për të jetuar një jetë të mirë me ndihmën e ilaçeve. I dashur Zhaku, do të kishim dashur të të jepnim më shumë. Ne donim të të jepnim një jetë të mirë. E meritoje aq shumë pas gjithë atyre viteve vuajtje. Ne shpresojmë që ti të jesh kënaqur me diellin, rërën, barin dhe qetësinë gjatë qëndrimit tënd të shkurtër me ne. U prehsh në paqe!”, lajmëron qendra.

Kjo tregon mënyrën më mizore të trajtimit të kafshëve në Shqipëri, aq sa Holanda e cilëson një ferr mbi tokë. Nëse nuk merren masat e duhura, pas Fierit mund ta pësojnë kafshët në kopshtin Zoologjik të Tiranës.