Mediat vendase kanë raportuar një takim mes Albin Kurtit dhe Vjosa Osmanit gjatë ditës së sotme.
Kandidati për kryeministër nga Vetëvendosje, Albin Kurti ka publikuar një fotografi në llogarinë e tij në Facebook, ku shihet së bashku me Vjosa Osmanin nga LDK.
Kurti ka shkruar se bashkë me Vjosën kanë biseduar sot për përgatitjet për qeverisjen e re dhe sfidat që i presin.
“Kosova do të dalë nga kriza dhe do të përparojë. Bashkëpunimi ynë është përkushtimi ynë. Qëllimet e mira dhe punët e mbara janë përgjegjësi e jona ndaj qytetarëve të Republikës dhe institucioneve të shtetit”, ka shkruar Albin Kurti në llogarinë e tij në Facebook.
