Uashingtoni ka hequr tarifat për mbi 400 produkte kineze.
Presidenti i SHBA, Donald Trump, tha që administrata e tij po “përparonte shumë” me Kinën
Duke folur para gazetarëve në Shtëpinë e Bardhë me kryeministrin Australian Scott Morrison, Trump tha se Shtetet e Bashkuara po marrin miliarda dollarë nga tarifat e vendosura për produktet kineze, duke shtuar se totali së shpejti do të arrinte në 100 miliardë dollarë.
“Unë do ta them këtë: ne po bëjmë shumë përparim me Kinën,” tha Trump.
Zyra e Përfaqësuesit të Tregtisë së Shteteve të Bashkuara lëshoi tre njoftimeduke përjashtuar një gamë të gjerë të produkteve që përjashtohen nga tarifat në përgjigje të kërkesave të kompanive amerikane, të cilat argumentuan se taksat po shkaktonin vështirësi ekonomike.
Negociatorët kinezë dhe amerikanë po zhvillojnë bisedime dy ditore për të cilat pritej të përqendroheshin shumë në bujqësi, dhe të hedhin bazat e bisedimeve të nivelit të lartë në fillim të tetorit që do të përcaktonin nëse të dy vendet po punojnë drejt një zgjidhjeje apo shkojnë drejt vendosjes së tarifave të reja dhe më të larta në mallrat e njëri-tjetrit./real-news.tv/
