Gjatë vizitës së zhvilluar në Tiranë, Sekretari i Përgjithshëm i NATO-s, Jens Stoltenberg, zhvilloi edhe një takim me Presidentin e Republikës, Ilir Meta.
Gjatë bisedës Meta theksoi se ndan plotësisht vizionin e Sekretarit Stoltenberg se është detyra dhe përgjegjësia e çdo aleati të forcojmë Organizatën duke investuar çdo përpjekje dhe kontribut në shërbim të mbrojtjes kolektive dhe njëkohësisht të çdo vendi anëtar. Kreu i Shtetit theksoi se Shqipëria e pret me entuziazëm anëtarësimin e afërt të Maqedonisë së Veriut në NATO.
Më tej Meta i tha Stoltenbergut se Shqipëria mbështet të drejtën legjitime dhe sovrane të Kosovës për një tranzicion gradual të FSK në ushtri multietnike, dhe në ndërveprim të plotë me NATO-n. /real-news.tv/
