Gjashtë drejtues mjetesh kanë rënë në prangat e policisë Berat, pasi 2 prej tyre po i jepnin makinës në gjendje të dehur ndërsa 4 të tjerë nuk kishin me vete lejen e drejtimit.
Gjatë muajit gusht janë proceduar administrativisht gjithsej 900 drejtues mjetesh.
Njoftimi i policisë:
Policia Rrugore e qarkut Berat ka arrestuar 6 shtetas, për drejtim mjeti në mënyrë të parregullt.
Me qëllim parandalimin e aksidenteve dhe rritjen e sigurisë në rrugë, Policia Rrugore ka vijuar punën për konstatimin dhe procedimin e personave që drejtojnë automjetet në mënyrë të parregullt, si dhe të shkeljeve që janë burim i shtuar për aksidente rrugore.
Janë ushtruar kontrolle të shumta në të gjitha akset rrugore të qarkut, jo vetëm për menaxhimin e trafikut dhe parandalimin e aksidenteve rrugore, por dhe për konstatimin, verifikimin dhe ndëshkimin e atyre drejtuesve që drejtojnë mjetet në gjendje të dehur, që kryejnë manovra të rrezikshme në rrugë, nuk vendosin rripin e sigurimit apo përdorin celularin gjatë drejtimit të mjetit.
Nga kontrollet e ushtruara në muajin gusht, janë konstatuar dhe arrestuar në kushtet e flagrancës 6 drejtues mjetesh, 2 për drejtim mjeti në gjendje të dehur dhe 4 për drejtim mjeti pa leje drejtimi.
Gjatë muajit gusht janë proceduar administrativisht gjithsej 900 drejtues mjetesh.
Konkretisht janë vendosur:
278 masa për parakalime të gabuara;
117 masa për përdorim të celularit gjatë drejtimit të mjetit;
33 masa për mosvendosje të rripit të sigurimit;
472 masa për shkelje të tjera të rregullave të qarkullimit rrugor.
Janë dërguar në OASH 84 drejtues mjetesh, 7 prej tyre për përdorim të pijeve alkoolike.
Policia Rrugore e qarkut Berat falënderon qytetarët për bashkëpunimin dhe i fton ata të denoncojnë në numrin 112 çdo shkelje të Kodit Rrugor, me qëllim rritjen e parametrave të sigurisë dhe parandalimin e aksidenteve.
