Ish-futbollisti anglez, David Beckham është dënuar nga gjykata angleze me gjashtë muaj heqje të patentës së shoferit për shkak se kishte përdorur telefonin e tij celular ndërsa ishte duke i dhënë makinës së “Bentley”.
Shkelja e rregullave të qarkullimit është bërë në muajin nëntor, kur Beckham po i jepte makinës teksa fliste në telefon dhe ishte filmuar nga një agjent policie.
43-vjeçari u shpall fajtor nga gjykata dhe gjithashtu u dënua me një gjobë prej 750 paund, si edhe u detyrua të paguajë shpenzimet e gjykatës.
Ish-futbollisti anglez humbi gjithashtu gjashtë pikë nga patenta e tij. 6 pikë të tjera i kishte humbur më herët për shkak se kishte drejtuar makinën me shpejtësi të lartë.
Beckham ishte prezent në seancën dëgjimore. Ai u paraqit në gjykatë shumë elegant me një kostum gri dhe foli shkurtimisht vetëm kur tregoi emrin e tij, datën e lindjes dhe adresën e vendbanimit./real-news.tv/
