Presidenti amerikan, Donald Trump zhvilloi një bisedë telefonike me homologun e tij rus, Vladimir Putin, deklaroi zëdhënësja e Shtëpisë së Bardhë, Sarah Sanders.
Ajo shtoi gjithashtu se “gjatë kësaj bisede dy presidentët u përqendruan edhe në situatën në Venezuelë”.
“Ata patën një bisedë të mirë dhe folën për gati një orë”, tha Sarah Sanders.
Ajo theksoi se “ata biseduan për marrëveshjet e reja bërthamore dhe ato të përditësuara, duke parë mundësinë që të përfshihet edhe Kina në këto bisedime”.
Trump dhe Putin diskutuan gjithashtu edhe për çështjen e Koresë së Veriut dhe konfliktin në lindje të Ukrainës./real-news.tv/
