12 ditë më parë 27- vjeçarja shqiptare Antonia Nikolla e cila jeton në Greqi, u deklarua e humbur nga familjarët e saj.
Nëna e tre fëmijëve u gjet ditën e sotme. Bashkëshorti i saj ka njoftuar policinë greke se gruaja e tij është kthyer shëndoshë e mirë. Ende nuk dihen rrethanat se si ajo është kthyer sërish në banesë dhe arsyet e zhdukjes së saj.
Së fundmi është zbardhur edhe letra e lamtumirës që e reja shqiptare i la bashkëshortit të saj para se të zhdukej.
Në letër ajo shkruante:
Gjoni im, dua t’ju kërkoj falje, por nuk mund të duroj më. Kam duruar shumë deri më tani. Të kam dashur dhe të dua shumë! Nuk do ta harroj se si më shikuan ato sy ditën e parë që u takuam sepse ti më vështron ashtu edhe sot! Më pëlqen të shihem në sytë e tu sepse më admiron dhe më tregon se sa e rëndësishme jam për ty! Do të më mungojë shumë përqafimi yt! Faleminderit për tre krijesat e vogla që më dhurove. Merrni vajzat tona dhe shëroje shpirtin e tyre. Të dua shumë! Antonia…
