Vijon protesta e banorëve të Astirit, të cilët kërkojnë dëmshpërblimin e plotë të banesave të tyre nga qeveria.
Kësaj here, ata përveç kryeministrit Rama, i janë kthyer edhe ministrit të Brendshëm, Sandër Lleshajt.
“Nuk pranojmë të dhunohemi as nga kjo polici, as nga askush. Ta harroni kushdo që kalon përmbi këta qytetarë. Ky është qëllimi i ministrit Lleshi të na fusë në konflikt me njëri-tjetrin. E vetmja mënyrë për ta shuar këtë protestë, është anulimi i këtij projekti. Forma të tjera arrestime, burgosje, nuk i njohim. Do t’i mbrojmë shtëpitë e Unazës së Re”, theksoi një nga banorët. /real-news.tv
