fbpx

Ushqimet ndaj të cilave krijoni varësi

1-day-diabetes-plan-dl-102775691_1-1.jpg

Në listën e ushqimeve të preferuara sigurisht keni nga ato që sado që hani nuk ngopeni, e kështu krijoni varësi nga to.

Reagimi i trurit ndaj ushqimit është pikërisht arsyeja se përse krijohet varësi.

Kjo për shkak se ushqime të caktuara krijojnë çlirimin e dopaminës në tru, gjë që mund të çojë në dëshira më të mëdha për një ushqim të caktuar, sidomos kur bëhet fjalë për ushqime që janë të larta në sheqer, kripë ose yndyrë.

Këto janë disa nga ushqimet që nëse i konsumoni shumë rrezikoni të krijoni varësi:

Patatinat

Karbohidratet e thjeshta shihen si ‘varësi’ sepse ato shkaktojnë një lëshim të shpejtë të glukozës dhe kjo shpejt rrit energjinë e një personi.

 Pijet me sheqer

Jo vetëm ato të gazuarat por gjithashtu limonada dhe çaji i ëmbël na sigurojnë shumë pak përbërës të shëndetshëm, por shumë sheqer. Ashtu si sheqeri, këto pije mund të stimulojnë lirimin e dopaminës.

 Djathi

Djathi, i cili është përgjithësisht i lartë në yndyrë dhe kolesterol, gjithashtu përmban një substancë të quajtur casomorphin që lidhet me receptorët e të ndjerit më mirë në tru.

Patatet e skuqura

Patate të skuqura zakonisht janë të freskëta, të nxehta dhe të kripura. Ky është një kërcënim i trefishtë që sinjalizon gjuhën dhe trurin për të ngrënë më shumë. Përmbajtja e yndyrës në patate të skuqura jep sinjale në receptorët e gojës tonë që dërgojnë një sinjal në tru duke përforcuar dëshirën për të ngrënë më shumë.

Akullore

Dëshirat për akullore mund të jenë të pashmangshme dhe kjo ka të bëjë me përmbajtjen e sheqerit, dhe studiuesit bien dakord se ushqimet si akullorja, e cila është në thelb krem dhe qumësht, stimulojnë trurin në të njëjtën mënyrë si droga.

REKLAMO NE REALNEWS +355 69 33 33 303