Ushqimet që duhet të hani nëse vuani nga diabeti i tipit 2

Diabeti po prek çdo herë e më shumë njerëz, pasi shifrat tregojnë se ka rritje.

Sipas të dhënave të fundit të OBSH-së, numri i personave që vuajnë nga diabeti, po shtohet edhe më shumë.

Patologjia më e përhapur është diabeti i tipit 2. Por çfarë duhet të konsumoni në rast se vuani nga diabeti?

Këto janë disa nga ushqimet që nuk duhet t’i konsumojnë personat që vuajnë nga diabeti i tipit 2.

Bishtajoret, të pasura me shumë fibra

Një nga ushqimet që nuk duhet të mungojë asnjëherë në tavolinë për këdo që vuan nga diabeti dhe jo vetëm, janë bishtajoret. Ato, falë përmbajtjes së lartë të fibrave të tretshme, ju ndihmojnë që të mbani nën kontroll nivelet e sheqerit në gjak. Kështu që vendosja në tavolinë e thjerrëzave, bizeleve, fasuleve, dy-tri herë në javë është padyshim një zgjedhje e shëndetshme.

Fruta dhe perime

Frutat dhe perimet nuk duhet të mungojnë asnjëherë në një dietë të ekuilibruar. Zarzavatet kanë një rol kryesor edhe në ushqyerjen e diabetikëve, sepse ndihmojnë në kontrollimin e absorbimit të sheqerit në gjak. Ideale është që të hani pesë vakte në ditë, duke shijuar “ngjyrat” dhe llojet e tyre të ndryshme. Për sa u takon perimeve, ato nuk duhet të mungojnë as për drekë dhe as për darkë. “Frutat dhe perimet janë një lloj bekimi për këdo që vuan nga diabeti”, ka thënë mjekja italiane Noli.

Ushqehuni me drithëra dhe sidomos ato integrale

Kushdo që vuan nga diabeti duhet të preferojë karbohidratet komplekse, të cilat gjenden te drithërat, sidomos tek ato integralet. Kështu që gatuani oriz dhe makarona integrale bashkë me perime e bishtajore dhe me vaj ulliri ekstra të virgjër.

Shmangni konsumimin e alkoolit

Alkoolin, nëse vuani pra nga diabeti ose nga mbipesha, duhet ta shmangni. Por nëse për ndonjë rast feste bëhet e nevojshme, atëherë mund të pini një gotë verë, por vetëm kaq! /real-news.tv/