Në videon e mëposhtme do të shikoni një ngjarje si nëpër filma. Menaxheri i Armando Sadikut është kërcënuar në mes të ditës me armë zjarri në një restorant në Beograd.
Nikola Damjanac ishte duke drekuar bashkë me familjen e tij, kur një person i është kundërvënë djali të tij Aleksa. Personi në fillim kaloi pranë tavolinës dhe më pas e ka qëlluar me shpullë atë. Ndërsa një tjetër person goditi me grusht menaxherin dhe ai që nisi sherrin ka nxjerrë pistoletën duke e mbushur dhe duke u bërë gati ta shkrepë.
Lajmi ka bërë xhiron e rrjetit në Serbi pasi Nikola Damjanac është një nga menaxherët më të njohur në Ballkan, i cili ka në menaxhim sulmuesin e Kombëtares shqiptare, Armando Sadiku.
