E festuar çdo vit në datën 22 Prill, Dita e Tokës synon të shtyjë njerëzit nga e gjithë bota të jenë miqësorë me mjedisin.
Kjo mund të thotë shtimin e mbetjeve të riciklueshme, punën vullnetare për një projekt të gjelbër lokal apo implementimin e paneleve diellore në shtëpi.
Eventi i parë i Ditës së Tokës, i cili u organizua në Amerikë pothuajse pesë dekada më parë, është konsideruar si fillimi i lëvizjeve të para moderne mjedisore.
Që nga fillimet, Dita e Tokës është mbështetur nga një sërë figurash të famshme duke përfshirë edhe Leonardo DiCaprio apo Emma Watson.
Tani këto evente koordinohen globalisht nga një rrjet jofitimprurës i Ditës së Tokës.
Çdo vit organizohen festivale, parada dhe marshime në të paktën 192 shtete për të mbështetur mbrojtjen e mjedisit.
Kjo ditë ka flamurin e vet i cili u krijua nga aktivisti amerikan John McConnell dhe që shfaq qëllimisht një foto të botës.
Madje kanë edhe vijën e tyre muzikore që në fakt është Oda e Lumturisë e Beethoven por me lirika që promovojnë mbrojtjen e mjedisit.
Çfarë është Marrëveshja e Parisit?
Në datën 22 Prill, të paktën 130 shtete firmosën marrëveshjen e Parisit në lidhje me Ndryshimet Kilmaterike.
Marrëveshja historike e cila u adoptua me konsensus në kryeqytetin francez në Dhjetor dhe u depozitua nga Kombet e Bashkuara në New York në përpjekje për t’i bërë shtetet të firmosin.
Sipas Komisionit Europian, marrëveshja përcakton një plan aksioni global për ta vënë botën në vijë dhe për të shmangur ndryshimet e dëmshme klimaterike duke mbajtur nën kontroll temperaturat.
Është menduar të fillojë të veprojë në vitin 2020.
Marrëveshjes së adoptuar në Paris në 12 Dhjetor të vitit 2015, ish kryeministri John Prescott iu referua si “moment historik për planetin tonë.”
Kina dhe Shtetet e Bashkuara, emetuesit më të mëdhenj të gazrave të dëmshëm në botë kanë pranuar të firmosin marrëveshjen në këtë ceremoni të festimeve të Ditës së Tokës nga Kombet e Bashkuara.
Presidenti francez Francois Hollande kërkon të bëjë të njejtën gjë.
Megjithatë, të firmosurit është thjesht një hap i proçesit të gjatë të Kombeve të Bashkuara për ta vënë planin në zbatim.
Proçesi kërkon aprovim formal të të paktën 55 kombeve që përfaqësojnë 55% të emetimit të gazrave të çliruar nga aktiviteti njerëzor.
Në shumë shtete, kjo marrëveshje kërkon votim në parlament.
Ku festohet Dita e Tokës?
Sigurisht që kudo në botë!
Festa e parë e Ditës së Tokës u organizua në Amerikë në vitin 1970.
U themelua nga ish senatori i Shteteve të Bashkuara Gaylord Nelson pasi dënoi ashpër derdhjen masive të naftës në Santa Barbara në vitin 1969.
Për të dënuar veprën, 20 milion njerëz marshuan kudo në Shtetet e Bashkuara.
Në vitin 1990, eventi u bë globalme rreth 200 milion pjesëmarrës nga 141 shtete që e festuan sipas Rrjetit të Ditës së Tokës.
Për më shumë se dy dekada, të paktën 192 shtete festojnë Ditën e Tokës çdo vit duke përfshirë Britaninë, Kanadanë, Ukrainën, Spanjën dhe Filipinet.
Disa komunitete madje festojnë Javën e Tokës, një javë të tërë aktivitetesh dhe marshimesh të fokusuara në problemet mjedisore të globit.
