Ushtria ruse njoftoi sot se kishte në dispozicion raketat hipersonike “Avangard”, një prej armëve të reja të prodhuara nga Moska dhe të mburrura nga presidenti, Vladimir Putin si, praktikisht, të pamposhtura.
Në dhjetor të vitit 2018, ushtria njoftoi se regjimenti i parë i raketave “Avangard” do të instalohej në rajonin e Orenbourgut, në Urale.
Autoritetet ruse sigurojnë se kjo armë është në gjendje të depërtojë çdolloj mburoje antiraketë që ekziston aktualisht.
Një tjetër armë e cilësuar e pamposhtur nga Putin, raketa balistike ndërkontinentale e gjeneratës së pestë “Sarmat”, do t’i shpërndahet forcave ushtarake ruse në vitin 2020.
Presidenti Vladimir Putin ka thënë se raketat me aftësi bërthamore mund të udhëtojnë më shumë se 20 herë shpejtësinë e zërit dhe ta vendosin Rusinë përpara kombeve të tjera.
Ata kanë një “sistem rrëshqitje” që lejon manovrim të madh dhe mund t’i bëjë ata të pamundur për t’u mbrojtur.
Ministri i Mbrojtjes, Sergei Shoigu, konfirmoi “Automjetin hipersonik “Avangard” hyri në shërbim në orën 10:00 më 27 Dhjetor”, duke e quajtur atë një “ngjarje historike”.
Putin tha të martën se sistemi Avangard mund të depërtojë në sistemet aktuale dhe të ardhshme të mbrojtjes nga raketat, duke shtuar: “Asnjë vend i vetëm nuk posedon armë hipersonike, e lëre më armë hipersonike me rreze kontinentale.”
