Paraqitja e argumenteve në gjyqin e fajësimit të presidentit amerikan, Donald Trump, filloi në 22 janar në Senat. Drejtuesit e dhomave, të udhëhequr nga Adam B. Schiff , do të paraqesin tre ditë argumentet e tyre. Pastaj, senatorët do të kenë 16 orë për të bërë pyetje me shkrim. Kryetari John G. Roberts Jr. do t’i lexojë pyetjet me zë të lartë, dhe pala e duhur, mbrojtja ose ndjekja penale, mund të përgjigjet.
Presidenti Trump u akuzua nga Dhoma e Përfaqësuesve në Dhjetor për shpërdorim të pushtetit dhe pengim të Kongresit. Fajësimi i Trump nuk do të thotë që presidenti është larguar nga detyra. Në fazën tjetër, Senati duhet të zhvillojë një gjykim për ta bërë atë përcaktim. Një gjyq i Senatit ndaj presidentit ka ndodhur vetëm dy herë të tjera në historinë Amerikane dhe një herë në epokën moderne. Në qendër të akuzave të Demokratëve është se Trump kërkoi të ndalojë ndihmën ushtarake dhe një mbledhje të Zyrës Oval derisa Ukraina të njoftoi hetimet për ish-nënkryetarin Joe Biden dhe djalin e tij.
Trump gjithashtu akuzohet për pengim të drejtësisë.
“Presidenti Trump vonoi qindra miliona dollarë ndihma ushtarake ndaj një partneri strategjik në luftë me Rusinë, për të siguruar ndihmën e huaj në rizgjedhjen e tij. Me fjalë të tjera, për të mashtruar. Në këtë mënyrë, presidenti përdori pushtetin zyrtar shtetëror të disponueshme vetëm për të, dhe të padisponueshme për çdo kundërshtar politik, për të përfituar në një zgjedhje demokratik”, tha Adam Schiff gjatë seancës në Senat.
Nga ana tjetër, Republikanët u ankuan të mërkurën se gjyqi nuk kishte zbuluar ndonjë provë të re kundër presidentit. Më pak se 24 orë më parë, të njëjtët senatorë kishin votuar katër herë radhazi kundër dëgjimit të dëshmitarëve të rinj.
Ende nuk dihet nëse Senati me shumicë Republikanësh do të pranojë të dëgjojë dëshmitarë.
Nëse Senati nuk pranon, kjo do të ishte hera e parë që një proces për shkarkimin e Presidentit të bëhet pa dëshmitarë.
