Elbasani është tronditur mëngjesin e sotëm nga një ngjarje e rëndë. Mësohet se një person me problem të shëndetit mendor, i ka vendosur flakën apartamentit të tij. Kanë qenë fqinjët ata që kanë njoftuar policinë dhe zjarrëfikësen.
Njoftimi paraprak:
Nga hetimi paraprak është zbuluar se zjarri është shkaktuar qëllimisht nga personi që jetonte në këtë apartament i identifikuar si shtetasi me inicialet B.H. Ai rezulton të jetë person me probleme të rënda të shëndetit mendor dhe trajtohet me medikamente si i tillë prej vitesh. Fatmirësisht ai ka pësuar dëmtime të vogla nga flakët e zjarrit të shkaktuar nga ai vetë. Ndërkaq orenditë e apartamentit si pasojë e zjarrit janë shkrumbuar plotësisht.
