Ish-kryeministri Sali Berisha me anë të një statusi social Facebook, ka shpërthyer me tone të ashpra pas dhunimit të koleksionistit Gjergji Thimio nga kunati i Niko Peleshit, ngjarje e ndodhur në pazarin e Korçës.
“Banditi i narkoqeverisë, kunati i Niko Peleshit godet dhe përgjak me porosi zotin Gjergji Thimio sepse bëri publik numrin e të burgosurit Al 1961138/A 03/1993 që kishte Edvin Kristaq Rama i burgosur në Paris për trafikim ikonash.
Ky është një krim i shëmtuar politik.
Dënoj me ashpërsinë me te madhe aktin kriminal te Edvin Kristaq Trafikantit dhe ju bej thirrje komunitetit ndërkombëtar te marre ne mbrojtje koleksionistin e njohur Gjergji Thimio, jeta e te cilit kërcënohet direkt nga Edvin Kristaq Trafikanti’, shkruan ish-kryeministri Sali Berisha në rrjetin social.
