Grenell konfirmon se Trump do ta vizitojë Kosovën

richard_grenell_donald_trump_twitter_2.jpg

Emisari special amerikan, Richard Grenell, ka thënë se Presidenti Donald Trump mund ta vizitojë shumë shpejtë Kosovën dhe rajonin.

Megjithatë Grenell shton se ende nuk është vendosur ndonjë datë, sipas Klan Kosova.

”Presidenti Trump ka thënë se mezi pret të vijë në vizitë”.

”Ende nuk kemi datë apo detaje, por tashmë e kemi tejkaluar pengesën e parë, pra që Shtëpia e Bardhë zyrtarisht pajtohen me një gjë të tillë”, ka thënë Grenell.

Ndërsa ka folur për një radio serbe në Chicago, Richard Grenell, thotë se SHBA nuk dëshiron të ndërhyjë në zgjidhjen e problemeve mes Prishtinës e Beogradit zyrtar, pasi dy vendet duhet t’i zgjidhin vet ato.

”Të gjithë tani janë të fokusuar në politikë, përderisa ne jemi të fokusuar në ekonomi”.

”Duam që kapitalizmi të mbizotërojë në rajon, që përmes krijimit të vendeve të reja të punës të bëjmë atë që nuk kanë arritur tjerët, pasi u fokusuan në aspektin politik”.

Këto komente të Grenell vijnë pas nënshkrimit të marrëveshjes Kosovë-Serbi në SHBA, nën ndërmjetësimin e presidentit Donald Trump.

Më 4 shtator,  dy vendet nënshkruan marrëveshje ekonomike mes vete, por këtu u përfshi edhe njohja e ndërsjellë e Kosovës me Izraelin.

REKLAMO NE REALNEWS +355 69 33 33 303