Një 31-vjeçare shqiptare ka ndërruar jetë si pasojë e një aksidenti tragjik në Itali. Ngjarja e rëndë ka ndodhur në Casalmaggiore, ku e reja vdiq pasi një makinë e përplasi teksa po ngiste një biçikletë.
Dy ditë pas ngjarjes së rëndë, trupi i pajetë ndodhet ende në morg, ndoshta familjarët duan t’i kryen ritet e fundit mortore në vendlindje.
Prokuroria Publike e Kremones tashmë ka lëshuar autorizimin për varrimin, por deri dje në mbrëmje asgjë nuk ishte vendosur ende në lidhje me lamtumirën e fundit për gruan.