Ambasada e SHBA në Tiranë me anë të një njoftimi ka bërë me dije se për herë të parë do të hapet në Shqipëri Akademia për Gratë Sipërmarrëse, e cila synon t’i ndihmojë ato për të bërë realitet idetë e biznesit. Në njoftim theksohet se nëse je një grua nga 20-35 vjeç dhe ke një ide biznesi të cilën dëshiron ta bësh realitet, ju mund të aplikoni për të qenë pjesë e Akademisë.
“Ambasada e Shteteve të Bashkuara, në bashkëpunim me Qendrën Ideo dhe Destil Creative Hub, kanë kënaqësinë të hapin për herë të parë në Shqipëri Akademinë për Gratë Sipërmarrëse (AËE), e cila synon të ndihmojë gratë të sjellin në jetë idetë e tyre sipërmarrëse nëpërmjet njohurive, kontakteve dhe financimit. Nëse je një grua nga 20-35 vjeç dhe ke një ide biznesi të cilën dëshiron ta bësh realitet, ju mund të aplikoni për të qenë pjesë e Akademisë”, thuhet në njoftimin e Ambasadës.
