35.5 C
Tirana
E martë, 16 Korrik, 2024

TË FUNDIT

Autore librash, Angela Martini ndërron profesion

spot_img

Modelja e njohur Angela Martini duket se ka hequr dorë nga fusha e saj, modelingu.

Në intervistën e saj për revistën “Who”, Angela ka zbuluar se së shpejti do të jetë autore e një libri.

Në lidhje me karrierën e saj ajo u shpreh mjaft qartë:

“Siç e dini tashmë, unë i kam dhënë fund karrierës si modele dhe kam ndryshuar plotësisht drejtim. Së pari, vitin e kaluar u çertifikova si trajnere jete (një person që ndihmon njerëzit për të arritur qëllimet e tyre dhe që i këshillon për ndryshimet që duhet të bëjnë në jetë). Kjo më dha mundësinë të kuptoja më mirë psikologjinë e njerëzve dhe të përgatitesha për projektet e ardhshme. Së dyti, u bëra producente filmi. Me krenari tregoj se vitin e kaluar përfundova xhirimin e dy filmave me metrazh të shkurtër, me dy mesazhe shumë të fuqishëm, që shpresoj se do prekin zemrat e njerëzve. Të dy do të publikohen këtë vit. Gjithashtu kam edhe disa projekte të tjera filmike, që do të xhirohen po këtë vit. Së treti, po punoj për një tjetër projekt shumë të rëndësishëm, për diçka që vjen direkt nga shpirti, si të jetë fëmija im. Kam punuar për këtë gjë prej dy vitesh dhe këtë vit do jetë gati. Bëhet fjalë për një libër që kam shkruar, një histori vërtet mahnitëse për jetën e nënës sime, dhe një pjesë të jetës sime gjithashtu. Flet për kuptimin e jetës nga perspektiva ime, duke pasur shembullin më të fortë, jetën e mrekullueshme dhe absolutisht jo të zakonshme të nënës sime. Duke folur tani për projektet e mia, pas më shumë se dy vitesh, mund të them se më janë dukur shumë qesharake disa komente dashakeqe të njerëzve që më flisnin për atë se çfarë bëja dhe si e shpenzoja kohën time. Ata dilnin në konkluzionin se isha duke shpenzuar të gjithë kohën vetëm duke pushuar dhe pa bërë asgjë, vetëm sepse nuk po shihnin diçka nga aktiviteti im në modeling. Tani ka ardhur momenti për të folur për këtë gjë dhe siç duket qartë mund të them se ata njerëz e kanë pasur shumë gabim!”

Përveçse modele, shkrimtare Angela është edhe producente filmi, ajo gjithashtu pohoi se ka përfunduar dy filma me metrazh të shkurtër./real-news.tv

Burimi:Revista Who

spot_img

Latest Posts

spot_img

Më të lexuarat