fbpx

E bujshme: Valentino Rossi do të tërhiqet nga MotoGP

Sipas portalit Speedweek, Valentino Rossi është gati të tërhiqet përfundimisht, duke lënë kështu një vend të lirë në ekipin Yamaha Petronas për Botërorin e vitit 2021. Në vend të tij, mbi M1 të ekipit malajzian do të hipte Andrea Dovizioso, i cili në muajt e fundit kishte njoftuar mosmarrëveshjen me Ducatit për rinovimin e kontratës së tij.

Lajmi, natyrisht, duhet të merret me rezerva. Në fakt, fjalët e fundit të Valentinos për të ardhmen e tij ishin mjaft të qarta: “Unë do të qëndroj te Yamaha me 99%”.

Është e vërtetë, Doktori nuk ka hedhur të zezën mbi të bardhë. Nënshkrimi i kontratës po vonon, por kohët e fundit shefi i Yamahas, Lin Jarvis, specifikoi është thjesht çështje burokratike:

“Nuk ka asnjë problem. Megjithatë, ka disa aspekte që duhet të merren parasysh në negociatat që po kryejmë. Yamaha e ka ekipin e saj ligjor në Japoni, Petronas në Malajzi dhe piloti në Itali. Ne duhet të bashkojmë të gjitha palët dhe situata që po përjetojmë në një shkallë globale e bën të vështirë të njerëzit të mund të takohen fizikisht.”

Mund të ndodhë që gjatë fundjavës, në Misano, Vale mund të heqë çdo dyshim. Është garë “e tij”, konteksti më i mirë për një njoftim të madh, qoftë një lamtumirë./tch

 

Real News