Një ngjarje e rëndë ka ndodhur pak më parë në Vlorë, ku një 72-vjeçar me iniciale F.H., banues në Tiranë, është nxjerrë nga deti në gjendje të rëndë shëndetësore, por ka ndërruar jetë rrugës për në spital.
I moshuari ndodhej së bashku me gruan e tij në Vlorë.
Njoftimi zyrtar lidhur me ngjarjen:
Rreth orës 09:40, në bregdetin e Plazhit të Ri, Vlorë, pranë shkollës së Marinës është nxjerrë nga deti në gjendje të rëndë shtetasi F. H., 72 vjeç, banues në Tiranë, i cili ka ndërruar jetë rrugës për në spitalin Rajonal. 72 vjeçari ka qenë duke bërë plazh shoqëruar nga bashkëshortja e tij.
Grupi hetimor po kryen veprimet e mëtejshme në lidhje me sqarimin e rrethanave.
