fbpx

Infektohet me COVID Ambasadorja shqiptare në SHBA: Kam qenë me maskë dhe kam ruajtur distancën por kur u ktheva në…

Ambasadorja shqiptare në Shtetet e Bashkuara të Amerikës Floreta Luli Faber ka bërë me dije me anë të një mesazhi në Facebook se është konfirmuar pozitive me COVID.

Ajo deklaron se ka kryer testin e COVID-19 sapo është kthyer nga Shqipëria në SHBA dhe ka rezultuar pozitive.

Ajo thotë se ka zhvilluar shumë takime pune me zyrtarë, kolegë, shokë e miq dhe nuk mund t’i njoftojë dot një nga një, teksa shton se në çdo ambient ka qenë me maskë dhe ka ruajtur distancën.

MESAZHI I PLOTË

Të dashur miq,

Sot u ktheva nga Shqipëria pas një udhëtimi pune dhe pasdreke arrita në Uashington.

Sapo zbrita në aeroport, si masë profilaktike bëra testin e Covid-19.

Përgjigja ishte POZITIV

Ju njoftoj nëpërmjet këtij mesazhi, pasi këto ditë kam zhvilluar shumë takime pune me mjaft zyrtar dhe kolegë, si dhe kam takuar pa fund shokë e miq, familjarë dhe njerëz të afërm, të cilët nuk i njoftoj dot një nga një.

Unë u testova negativ ditën kur u nisa drejt Shqipërisë. Në çdo ambient apo takim, zyrtarë apo miqësor, kam mbajtur maskë dhe kam ruajtur distancën e kërkuar, por qartësisht jo mjaftueshëm.

Mos i hiqni në asnjë moment maskat

Uroj më të mirën për secilin nga ju!