Mbrëmjen e djeshme një ngjarje e rëndë ndodhi në fshatin Labovë në Gjirokastër, ku mbeti i vrarë 60-vjeçari, Andrea Xhavarra. Djali i viktimës, Ermal Xhavarra ka deklaruar se autori Jano Kota gjithnjë ka qenë person problematik, ndërsa ka rrëfyer më tej dhe ngjarjen e rëndë.
A kanë pasur konflikte më parë?
Konfliktet kanë qenë të vazhdueshme për çështje kullotash, jo lopët, gjëra bagëtish.
Dje si ka ndodhur ngjarja?
Pak a shumë kjo ka ndodhur dhe dje, e njëjta situatë.
Ju ishit këtu?
Jo, jo nuk isha.
Ku ndodhi ngjarja?
Këtu në mes të fshatit. Konflikti i çastit ditën e djeshme por ka qenë e herë pas hershme se ai personi që bëri këtë, problematik ka qenë gjithmonë këtu në fshat me të gjithë. Kështu ka bërë.
Ishte një kullotë e përbashkët?
Ca vende që bënte sikur i kishte të tijat.
Po dje çfarë ndodhi?
Tani duhet ta nxjerrë ekspertiza nuk dimë ç’të themi.
A kishte dëshmitarë?
Po ka pasur vërdallë. Por nuk e dimë. I ka marrë policia.
