Ministrja e Shëndetësisë, Ogerta Manastirliu ka bërë më dije me anë të një statusi në Facebook se sot do të nisin në Tiranë testimet e shpejta për pacientët, të cilët dyshohet se janë të prekur nga Covid-19.
Manastirliu shkruan se janë 100.000 teste të shpejta.
Ndër të tjera në postimin e saj ministrja shkruan se ata që duan të bëjnë testin, rezervimin duhet ta bëjnë pranë mjekut të familjes.
“Nga sot ekipet e epidemiologëve të terrenit do të kryejnë edhe testet e shpejta, përveç testimit me metodën PCR, duke rritur aksesin për qytetarët për testimin në #kohë dhe të sigurt.
100,000 teste të shpejta të siguruara dhe do të vijojmë të rrisim kapacitetet me të dy metodat e testimit.
Së shpejti, hapen disa pika në Tiranë dhe në qytetet e tjera për testimin me rezervim pranë mjekut të familjes,” shkruan Manastirliu.
