Donald Trump ka qenë kryefjala e mediave këto ditë për shkak të zgjedhjve presidenciale në Amerikë.
Vëmendje të madhe në mediat sociale po merr look-u i tij me ngjyrën e re të flokëve.
Në daljen e tij të parë publike që nga zgjedhjet presidenciale që u fituan nga Joe Biden, ish-presidenti i SHBA nuk është shfaqur bjond me ngjyrën e tij të zakonshme, por nuanca e flokëve të tij tashmë është gri.
Trump, duke folur për vaksinën e koronavirusit nuk tha asgjë rreth look-ut të ri, ngjyrë të cilin e kemi parë edhe më parë – por përdoruesit e mediave sociale u treguan të shpejtë për të komentuar pamjen e tij të re.
Shumë përdorues të Twitter shpërthyen me statuse ironike, duke shkruar se stresi pas humbjes së zgjedhjeve është i dukshëm edhe në ngjyrën e flokëve të tij.
Gjatë deklaratës së të tij të premten, Trump nuk përsëriti pretendimet e tij se në fakt ai i fitoi zgjedhjet, jo Bideni, por ngriti dyshime nëse një administratë tjetër do të menaxhonte pandeminë, duke përfshirë çdo mbyllje të mëtejshme.