Kryeministri Edi Rama ka publikuar një video që në mëngjes sot në Facebook. Ai ka nxjerrë disa pamje nga Fushë-Kruja si dhe ka bërë një krahasim me qeverinë në drejtimin e PD.
Rama thotë se me qindra banesa e familje nuk u përmbytën këtë herë, siç përmbyteshin 3 e 4 herë në vit kur qeveriseshin nga të “mbyturit”.
“MIRËMËNGJES dhe me arsyen pse hyrje-dalja e Fushë – Krujës bashkë me qindra banesa e familje nuk u përmbytën këtë herë, siç përmbyteshin 3 e 4 herë në vit kur qeveriseshin nga të mbyturit në politikën e sharjeve, shpifjeve, akuzave, e pastaj mbeteshin me javë në llucë e në lagështirë, ju uroj një ditë të mbarë”, shkruan Rama.