Departamenti i Shtetit me anë të një njoftimi ka bërë me dije se Qendra për Kontrollin dhe Parandalimin e Sëmundjeve (CDC) në SHBA ka dhënë njoftimin ku Kosova vazhdon të përfshihet në nivelin 3 për shkak të COVID-19.
Grupet terroriste, thuhet në njoftim, vazhdojnë të planifikojnë sulme të mundshme në rajonin e Ballkanit, përfshirë Kosovën.
“Térroristët mund të súlmojnë me pak ose pa paralajmërim, duke vënë në shënjestër vendet turistike, qendrat e transportit, tregjet apo qendrat tregtare, objektet e qeverisjes vendore, hotelet, klubet, restorantet, objektet fetare, parqet, ngjarjet kryesore sportive dhe kulturore, institucionet arsimore, aeroportet dhe zona të tjera publike,” thotë Departamenti amerikan i Shtetit.
“Tensionet brenda dhe midis komuniteteve në veri të Kosovës mbeten një burim trazirash të mundshme në Mitrovicën e Veriut, Leposaviq, Zubin Potok dhe Zveçan. Megjithëse trazirat e fundit kanë qenë të motivuara politikisht dhe nuk përfshijnë turistë ose anëtarë të bashkësisë ndërkombëtare, kalimtarët mund të preken,” thuhet në njoftim.