Një përplasje e madhe ka ndodhur pak më parë në fshatin Mustafakoç në Baldushk, mes banorëve dhe Policisë.
Banorët shprehen të vendosur se nuk do të lejojnë shembjen e disa godinave nga ana e IMT-së, ndërsa deklarojnë se Policia duhet të jetë në anën e tyre.
‘Mos prek me dorë, ikni andej, ku shkoni re mut, mos luni me dorë, ik andej re mut’, janë disa nga thirrjet e banorëve, të cilët pretendojnë se disa prej punonjësve të policisë janë të dehur.
‘Të vjen era raki mor qen, ti qenke bërë tap’, është thirrja e një tjetër banori të zonës, të cilët janë konfliktuar edhe fizikisht me punonjësit e Policisë.
Një pjesë e grave dhe të fëmijëve të zonës janë ulur në mes të rrugës në shenjë rezistence, për të mos lejuar kalimin e Policisë.
