Dy ditë më parë, SHÇBA arrestoi 18 zyrtarë policie dhe të pushtetit vendor, pasi dyshohej se lejuan ndërtime pa leje në zonën e Durrësit, Manzës dhe Shijakut. Ditën e sotme, është zbardhur dhe dosja e Prokurorisë së Durrësit dhe SHÇBA ndaj arrestimit të tyre.
Zyrtarët e policisë dhe të pushtetit vendor janë “fundosur” nga komisariati dixhital, i cili ka zbuluar shkeljet e tyre, prej ku rezultonte se ata iu bënin foto objekteve të ndërtuara pa leje, por më pas i tjetërsonin dhe i fshinin.
Nga dosja hetimore, duket se zyrtarët i lejonin ndërtimet pa leje kundrejt pagesave që varionin nga 1500 deri në 7 mijë euro.
