Qytetarë britanikë i janë drejtuar kutive të votimit për zgjedhjet e treta të përgjithshme të vendit në më pak se pesë vite.
Zgjedhjet, të parat të mbajtura në muajin dhjetor në 100 vite, ndjekin zgjedhjet e mbajtura në 2015 dhe 2017.
Qendrat e votimit në 650 vende përgjatë Anglisë, Wales, Skocisë dhe Irlandës së Veriut janë hapur në orën 07:00 të mëngjesit dhe do të mbyllen në orën 22:00.
Numërimi i votave do të fillojë menjëherë. Pjesa më e madhe e rezultateve pritet të bëhen publike në orët e para të së premtes.
Gjithsej 650 deputetë do të zgjidhen sipas sistemit të mëparshëm, të përdorur për zgjedhje të përgjithshme, në të cilin zgjidhet kandidati që siguron më shumë vota.
Zgjedhjet në Mbretërinë e Bashkuar tradicionalisht zhvillohen çdo katër ose pesë vite. Por, në tetor, deputetët votuan për sondazhin e dytë të parakohshëm në po aq vite. Këto janë zgjedhjet e para dimërore që nga viti 1974 dhe të parat që zhvillohet në dhjetor që nga viti 1923.
